இந்தியன் மோட்டார் சைக்கிள் நிறுவனம் ரூ.30.6 லட்சம் டெல்லி ஷோ ரூம் விலையில்  புதிய ஸ்ப்ரிங்பீல்ட்  குரூசர் மாடலை இந்தியாவில் வெளியிட்டது. இந்த மாடல் கடந்த மாதம் தான் அமெரிக்காவில் வெளியிடப்பட்டது என்பது குறிப்பிடத்தக்கது. இந்தியாவில் உள்ள ஆறு ஷோ ரூம்களிலும் முன்பதிவு செய்யப்படுகிறது விநியோகம் விரைவில் தொடங்கப்படும் என எதிர்பார்க்கப்படுகிறது.

இந்த மாடல் இந்தியன் சீப் மாடலின் அடிப்படையில் வடிவமைக்கப்பட்டுள்ளது. இந்த மாடல் கருப்பு மற்றும் சிவப்பு என இரண்டு வண்ணங்களில் மட்டும் கிடைக்கும். இந்த மாடலில் இந்தியன் சீப் மாடலில் உள்ள அதே 1811 cc  V - ட்வின் என்ஜின் தான் பொருத்தப்பட்டுள்ளது. இது அதிகபட்சமாக 138.9 Nm  இழுவைதிறனை வழங்கும். மேலும் இந்த மாடலில் 6 ஸ்பீட் கொண்ட கியர் பாக்ஸ் பொருத்தப்பட்டுள்ளது.

இந்த மாடலில் ABS, குரூஸ் கன்ட்ரோல், கீலெஸ் ஸ்டார்ட், குயிக் ரிலீஸ் வின்ட் ஷீல்ட், டயர் பிரஷர் மானிடர், USB, ஸ்பீக்கர் மற்றும் 6.5 இன்ச் இன்போடைன்மென்ட் சிஸ்டம் என ஏராளமான வசதிகள் கிடைக்கும். 

மௌவலின் ஆட்டோ செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.