ரெனோ நிறுவனம் 2018 ஆம் ஆண்டு டஸ்டர் மாடலை அதிகாரப்பூர்வமாக வெளிப்படுத்தியுள்ளது. இந்த மாடல் 2017 ஆம் ஆண்டு பிராங்க்புர்ட் மோட்டார் கண்காட்சியில் டேசியா பிராண்டில் வெளியிடப்பட்ட டஸ்டர் மாடலின் ரெனோ பேட்ச் வெர்சன் என்பது குறிப்பிடத்தக்கது. ரெனோ நிறுவனம் ஐரோப்பாவின் சில பகுதிகளில் டேசியா எனும் பிராண்டில் மாடல்களை வெளியிட்டு வருவது குறிப்பிடத்தக்கது.

இந்த மாடலின் முன்புறம் மற்றும் பின்புறத்தில் அதிக மாற்றங்கள் செய்யப்பட்டுள்ளது. முன்புறத்தில் புதிய பானெட், பெரிய கிரில், புதிய முகப்பு விளக்குகள், புதிய பம்பர், புதிய ஸ்கிட் பிளேட் ஆகியவையும் பின்புறத்தில் புதிய பின்புற விளக்குகள் மற்றும் புதிய வடிவமைப்பு என முழுவதும் புதிதாக வடிவமைக்கப்பட்டுள்ளது. மேலும் இந்த மாடலில் புதிய 17 இன்ச் அலாய் வீல் பொருத்தப்பட்டுள்ளது.  இந்த மாடலின் உட்புறம் முழுவதுமாக மாற்றப்பட்டுள்ளது. முன்பைவிட தற்போது அதிக ப்ரீமியம் தோற்றத்தை தருமாறு உட்புறம் வடிவமைக்கப்பட்டுள்ளது. 

இந்த மாடல் இந்தியாவில் அதே 1.5 லிட்டர் டீசல் என்ஜினில் இரண்டு திறன்களிலும் மற்றும் 1.6 லிட்டர் பெட்ரோல் என்ஜினிலும் கிடைக்கும். இதன்  டீசல் என்ஜின் 85 bhp (3750 rpm) திறனும் 200Nm (1750rpm) டார்க் எனும்  இழுவைதிறனும் கொண்டதாகவும் மற்றும் 110 bhp (5750 rpm) திறனும் 245Nm (1750rpm) டார்க் எனும்  இழுவைதிறனும் கொண்டதாகவும் கிடைக்கும். பெட்ரோல் என்ஜின்  மாடல்   104 bhp (5750 rpm) திறனும் 148Nm (3750rpm) டார்க் எனும்  இழுவைதிறனும் கொண்டது. இந்த மேம்படுத்தப்பட்ட மாடல் இந்தியாவில் எப்போது வெளியிடப்படும் என்பது பற்றி எந்த ஒரு விவரமும் தெளிவாக வெளியிடப்படவில்லை. இந்த மாடல் தொடர்பான விவரங்களை மேலும் பெற மௌவலுடன் தொடர்பில் இருங்கள். 

மௌவலின் ஆட்டோ செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.