டாடா நிறுவனம் நெக்சன் காம்பேக்ட் SUV மாடலின் முன்பதிவு செப்டம்பர் 11 ஆம் தேதி முதல் தொடங்கப்படும் என அதிகாரப்பூர்வமாக அறிவித்துள்ளது. இந்த மாடலை ரூ 11,000 முன்பணமாக செலுத்தி டாடா நிறுவனத்தின் அனைத்து ஷோரூம்களிலும் முன்பதிவு செய்து கொள்ளலாம். மேலும் இந்த மாடல் ஒரு சில வாரங்களில் வெளியிடப்படும் எனவும் எதிர்பார்க்கப்படுகிறது. NEXt-ON என்பதின் சுருக்கமே Nexon என பெயர்க்காரணத்தை ஏற்கனவே வெளிப்படுத்தியுள்ளது டாடா.

இந்த மாடல் மூன்று சிலிண்டர் கொண்ட 1.2 லிட்டர் ரெவோட்ரான் பெட்ரோல் மற்றும் நான்கு சிலிண்டர் 1.5 லிட்டர் ரெவோடார்க் டீசல் என்ஜினில் கிடைக்கும். 1496cc கொள்ளளவு கொண்ட டீசல் என்ஜின் 110PS @ 3,750rpm திறனையும் 260Nm @ 1,500-2,750rpm இழுவைதிறனையும் வழங்கும். மற்றும் 1198cc கொள்ளளவு கொண்ட டீசல் என்ஜின் 110 PS @ 5,000rpm திறனையும் 170Nm @ 2,000-4,000rpm இழுவைதிறனையும் வழங்கும். இந்த மாடலின் இரண்டு என்ஜின்களுமே ஆறு ஸ்பீட் கொண்ட மேனுவல்ட்ரான்ஸ் மிஷனில் கிடைக்கும். மேலும் இதன் டீசல் என்ஜின் மாடலில் ஈக்கோ, சிட்டி மற்றும் ஸ்போர்ட் என டிரைவிங் மோடுகளும் கொடுக்கப்பட்டுள்ளது.

ப்ரொஜெக்டர் முகப்பு விளக்குகள், ஆட்டோமேட்டிக் குளிரூட்டி, டச் ஸ்க்ரீன் இன்போடைன்மெண்ட் சிஸ்டம்,  பின்புற சென்சார் மற்றும் கேமரா என  இந்த மாடலில் ஏராளமான உபகரணங்கள் இருக்கும் என எதிர்பார்க்கப்படுகிறது. மேலும் இந்த மாடல் AMT கியர் பாக்சிலும் கிடைக்கும் என எதிர்பார்க்கப்படுகிறது. இந்த மாடல் மாருதி சுசூகி விட்டாரா பிரீசா மற்றும் போர்டு ஈக்கோ ஸ்போர்ட் போன்ற மாடல்களுக்கு கடும் போட்டியாக இருக்கும்.

மௌவலின் ஆட்டோ செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.