டாடா ஹாரியர்

டாடா நிறுவனம் புத்தம் புதிய H5X என்ற குறியீட்டு பெயரில் அழைக்கப்பட்டு வந்த கான்செப்ட் மாடலின் பெயரை ஹாரியர் என சில நாட்களுக்கு முன்பு அதிகாரப்பூர்வமாக அறிவித்தது. இந்த மாடல் முதல் முறையாக 2018 ஆம் ஆண்டு டெல்லி வாகன கண்காட்சியில் அறிமுகப்படுத்தியுள்ளது. டாடா வின் இந்த புதிய SUV கான்செப்ட் மாடல் மிகவும் அதிகமாக எதிர்பார்க்கப்பட்ட மாடல்களில் ஒன்று ஆகும். மேலும் இதன் தயாரிப்பு நிலை மாடல் அடுத்த வருட ஆரம்பத்தில் வெளியிடப்படும் எனவும் அறிவிக்கப்பட்டுள்ளது. 

டாடா நிறுவனத்தின் புதிய H5X கான்செப்ட் மாடல் டாடா வின் புதிய OMEGA (Optimal Modular Efficient Global Advanced) எனும் பிளாட்பார்மில் தயாரிக்கப்பட்டுள்ளது. இந்த பிளாட்பார்ம் லேன்ட் ரோவர் டிஸ்கவரி ஸ்போர்ட் மாடலின் அடிப்படையில் உருவாக்கப்பட்டுள்ளது. மேலும் இந்த மாடல் டாடா வின் மேம்படுத்தப்பட்ட இம்பேக்ட் 2.0 எனும் டிசைன் தத்பரியத்தில் வடிவமைக்கப்பட்டுள்ளது. இந்த மாடலின் முன்புறத்தில் மற்ற டாடா மாடல்களில் உள்ள க்ரில் அமைப்பு தான் கொடுக்கப்பட்டுள்ளது, எனினும் சிறப்பாக பொருத்தப்பட்டுள்ளது. இந்த மாடல் முழுமையாக கம்பீரமான SUV தோற்றத்தை தருகிறது.

டாடா நிறுவனம் உட்புறம் மற்றும் எஞ்சின் தொடர்பான விவரங்களை வெளியிடவில்லை. இதன் தயாரிப்பு நிலை மாடல் ஐந்து இருக்கை கொண்டதாக இருக்கும் என டாடா நிறுவனம் தெரிவித்துள்ளது. மேலும் ஏழு இருக்கை கொண்ட மாடல் தொடர்பான விவரங்களையும் வெளியிடவில்லை. 

மௌவலின் ஆட்டோ செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.